Íslenska English

 

 

 

Saga Löndunar

 

 

Sumarið 1987, var Löndun ehf. stofnað. Þörf fyrir þjónustu í sjávarútvegi eftir að fiskverð var gefið frjálst og allur fiskur á Íslandi átti að seljast á markaði var helsta ástæðan.

Þetta byrjaði með löndun úr ferskfisk togurum og bátum fyrir nýstofnaðan fiskmarkað í Reykjavík sem hét Faxamarkaðurinn hf. Þjónustusamnigur var gerður milli þessara fyrirtækja. Fljótlega kom í ljós að þörfin fyrir löndunarþjónustu var meiri. Frystiskip á bolfisk og rækjuveiðum vantaði þjónustu við að landa frystum fiski og rækju sem var komið fyrir í frystigámum frá öðruhvoru flutningaskipafélaginu Eimskip eða Samskip.  Það sakaði heldur ekki að ýta undir samkeppni við skipafélögin sem buðu upp á samskonar þjónustu. Í lok fyrsta sumarsins voru 10 manns við störf hjá Löndun ehf..

 

 

 

Okkar fyrsta frystilöndun fór fram  í september 1987.  Pétur Jónsson RE 69 kom til hafnar í Sundahöfn, með fullfermi af frystri rækju í sinni fyrstu veiðiferð. Á eftir komu systurskip Péturs Jónssonar, Hákon ÞH og Helga RE. 


Í janúar 1988 var gerður fyrst þjónustusamningur við útgerð í Þorlákshöfn sem hét Ljósavík og gerði út frystitogarann Gissur ÁR 6.

Á sama tíma hófs einnig þjónusta Löndunar ehf. við útgerðafélagið Ögurvík sem gerði þá út frystitogarann Frera RE 73 og síðar kom glæsifleyið Vigri RE 71 til sögunnar.


Árið 1990 hófst losun á timbri og stáli fyrir Húsasmiðjuna.


Árið 1992 er undirritaður þjónustu samningur við Samskip. Hann fól í sér að Löndun ehf. tók að sér að landa úr öllum togurum sem fluttu afla sinn með Samskipum.

Í apríl 1993 þjónustaði  Löndun ehf.  sína fyrstu tvo rússnesku frystitogara með því að gera þjónustusamning við flutningafyrirtækið Jökla hf. sem sá um flutninga á frosinni vöru fyrir Sölumiðstöð Hraðfrystihúsanna. Löndun ehf. þjónustaði Samherja hf. lengst af þegar fyrirtækið var með skipin sín fyrir sunnan land. Þjónustan hófst vorið 1993 þegar skipin komu af úthafskafaveiðum af Reykjaneshrygg.

Þjónusta við útgerðafélagið Brim hf. hófst 2004 með löndunum úr Guðmundi í Nesi RE 13 sem kemur inn að morgni dags með 400- 500 tonn af frosinni grálúðu og fer út að kvöldi með vel þrifna tóma lest, umbúðir í umbúðalestinni og búrið full af mat. 


Árið 2006 gerði Löndun ehf. þjónustusamning við Eimskip og hóf að landa úr skipum á vegum fyrirtækisins aðalega í Hafnarfirði. Umsvif fyrirtækisins jukust umtalsvert við þessa stækkun. Það fylgdu því smá vaxtarverkir en fyrirtækið var ekki lengi að venjast þeim.

Í dag  starfar Löndun ehf. á þremur stöðum á Stór-Reykjavíkursvæðinu og hefur möguleika á allt að 50 starfsmönnum.

 

 

1. Skrifstofa og starfsaðstaða fyrir alla starfsemi er á Vogabakka Reykjavíkurhafnar.

 

 

2. Starfsaðstaða fyrir alla starfsemi er á Hvaleyrarbakka í Hafnarfirði.

 

 

3. Viðgerðarastaða og starfsaðstaða fyrir alla starfsemi er á Grandagarði 16.

 

 

aftur efst
Löndun ehf. | Kjalarvogi 21, 104 Reykjavík | Box 1517, 121 Reykjavík | Sími 552 98 44 | Fax 562 98 44
© 2008 Uppsetning og hönnun Hýsir.is